اس فریضہ کے وجوب کی شرطیں:

امربالمعروف اورنہی عن المنکرکےوجوب میں   چند  امور شرط ہیں:

امراول۔نیکی اوربرائی کی معرفت کارکھنااگرچہ انہیں اجمالی طورپر جانتاہو۔

امردوم۔امر بالمعروف اورنہی عن المنکرکی تاثیرکااحتمال ہو۔

امرسوم۔فردجانتاہوکہ معروف یامنکرکاحکم فاعل کےحق میں  جاری ہوگا۔

امرچہارم۔فقہی لحاظ سے امر بالمعروف اور نہی عن المنکر میں شرط لگانا مشہور ہےکہ   فاعل معروف کےترک پریامنکرکے ارتکاب پراصراررکھتاہو،مگریہ تنہائی صحیح  نہیں ہے،بلکہ  جب دیکھاجائے کہ فاعل کی طرف سے  فعل  یاترک پراقدام کیا جا رہا ہے تو امر ونہی واجب ہوجاتا ہے،بشرطیکہ دوسری شرائط بھی جمع ہوں۔

امرپنجم۔امربالمعروف اورنہی عن المنکرکےکرنےسے  امرکرنےوالےیاکسی دوسرےمؤمن  بلکہ مسلمان کی  جان،ناموس ،مال  پر ضررلازم نہ آئے۔

مسئلہ395:امربالمعروف اور نہی عن المنکرکاوجوب کسی خاص صنف کےساتھ مخصوص نہیں ہے،بلکہ جب مذکورہ  شرائط جمع ہوجائیں  تویہ علماء،غیر علماءسب پرواجب ہوجاتاہے۔

عادل ہویافاسق ہو،سلطان  ہویارعایاہو ،امیرہویاغریب ہو،اسی طرح جن کو نیکی کاحکم اوربرائی سےمنع کرنا ہوتاہےوہ بھی کسی مخصوص صنف کےساتھ مختص نہیں ہیں ،بلکہ یہ وجوب ہرمکلف پرجاری ہوتاہے ،آمر ہویامامورہو۔