ثبوت ہلال:

متعدد طرق سے چاند ثابت ہوتاہے:

اول۔خود چانددیکھے،اگرچہ دوسروں کےنزدیک چاند ثابت نہ ہو۔

دوم۔اس کے مرجع تقلید کے نزدیک چاندثابت ہو۔

سوم۔دوعادل مرد چاند کے دیکھنے کی گواہی دیں۔

چہارم۔سابقہ ماہ کے تیس دن پورے ہوجائیں،اگر سابقہ ماہ شعبان ہو تو رمضان کا چاند ثابت ہوجائے گا،اوراگر سابقہ ماہ رمضان ہو تو شوال کا چاند ثابت ہوجائے گا ۔

مسئلہ336:جب  زمین کے ایک ملک یاعلاقہ  میں چاند نظر آجائے،جس  میں  آئمہ معصومین علیہم السلام کے دور میں ،اسلامی حکومت کی تشکیل دی جاچکی تھی ،اور وہ علاقہ مشرق کی جانب سے چین سے لےکر اندلس تک ہے اور مغرب کی جانب سے غرب تک ہے تو دوسرے ملک میں چاند کاثبوت کافی ہوگا،چشم پوشی کرتے ہوئے   ،اس سے کہ ان دونوں ملکوں کاافق ایک ہویا ان کاافق ایک نہ ہو ،یاایک ملک دوسرے کاشرق ہویا غرب ہو۔

جب غیرمسلم ممالک میں چاند دکھائی دے جیسے امریکہ اور غرب  ،توجس ملک میں چاند نظر آئے ، اس کے ہم افق ملک میں چانداورماہ ثابت ہوگا،اوردوسرے ملکوں میں چاند اور ماہ ثابت نہیں ہوگا ،جب تک کہ اس ملک میں چاند نظر نہ آئے۔