روزے کی صحت کے شرائط:

روزے کی صحت کے چند شرائط ہیں:

اول۔اسلام۔

دوم۔عقل۔

سوم۔عورت کاسارے دن میں حیض و نفاس سے خالی ہونا۔

چہارم۔طلوع فجر کے وقت جانتے بوجھتے ہوئےجنب کی حالت میں نہ ہو۔

پنجم۔مسافر نہ ہو ،ایسےسفرمیں نہ ہو  جو نماز کے قصر ہونے کا باعث ہوتاہے۔

مسئلہ333: ایسے مسافر کاروزہ رکھنا صحیح ہے جوسفر میں نماز پوری پڑھ رہا ہے ،وہ روزہ واجب ہویا مستحب ہو،جیسےوہ شخص ایک جگہ اقامت کی نیت رکھتاہو ،اور وہ مسافر جس کا سفر معصیت پر ہو ،اور وہ شخص جس کاعمل سفر میں ہو اور اس کے علاؤہ دوسرے لوگ جو سفر میں نمازپوری پڑھتے ہیں ۔ 

ششم۔بیمار نہ ہو،ایسی بیماری جس کے ہوتے ہوئے انسان روزہ نہ رکھ سکتاہو اگرچہ اس کا قابل پرواہ احتمال ہو۔

ہفتم۔روزے سے عسروحرج لازم نہ آئے،جیسےروزہ  رکھنے سے سخت بیمار پڑھ جائے گا۔

مسئلہ334:جب طبیب کےقول سے گمان پیداہو کہ مریض  روزہ رکھے گاتو اسے ضرر پہنچے گا  یا اس کا خوف ہو تو اس صورت میں مریض کےلیے روزے کاافطار کرنا واجب ہے۔

مسئلہ335: جب مریض زوال سےقبل صحتیاب ہوجائےاور روزہ کو باطل کرنے والے امور میں سے کوئی کام نہ کیاہو تواحوط ہےکہ  روزہ کے لیے تجدیدنیت کرئےاور رجائے مطلوبیت کی نیت سے روزہ کوجاری رکھےاور اس دن کے روزے کی قضاء بھی کرئے۔

ہشتم۔بالغ ہو،بالغ ہونےسے قبل بچے پر روزہ رکھناواجب نہیں ہے ،اگرچہ وہ ممیز ہی کیوں نہ ہو ،اگر روزہ رکھے گاتو اس کاروزہ صحیح ہوگا جس طرح دوسری عبادات ممیز بچے کی صحیح ہوتی ہیں۔