وتە کورتەکانی عاشورایی

1.    تەمەنی کەوسەریی گەورەی شەهیدان ئیمام حوسەین (ع)

کاردانەوەمان بەرانبەر تاقە ڕۆژێکی ژیانی پیرۆزی ئیمام حوسەین (علیه السلام)، کە ڕۆژی عاشوورایە، ئەم هەموو بەرهەمە گەورەیە و نەتیجە پیرۆزەی هەیە کە هەموو جیهان بینی، دەبێ چی ببێت ئەگەر (٥٧) ساڵ لە تەمەنی موبارەکی لە گۆشەنیگای جیاوازەوە بخوێنینەوە؟

2.    پڕۆژەی چاکسازیی حوسەینی:

شەریعەتی ئیسلام کە دوایین شەریعەتی ئیلاهی و کامڵترینیانە، تەنها لە بونیاتنان و چاکسازیی دینی دا، کورت نەبۆەتەوە بەڵکوو یاسا و حوکمەکانی هەموو کاروباری ژیان و پرسەکانی خەڵکی گرتۆتەوە و ئیمامی حوسێن (علیه السلام) وارسی پێغەمبەران و هەڵگری سەرجەم پەیامەکانیان گوزارشتی لەو پڕۆژە بونیاتنەرانە گشتگیرە کردووە لە وتە پیرۆزەکانی دا، و ئاماژەی بۆ سەرجەم ئەو بوارانە کردووە. لە بواری ئاوەدانکردنەوە و چاکسازیی دینی دا، فەرموویەتی (علیهم السلام): «من بۆ خۆبەزلزانین و لووتبەرزی دەرنەچووم، هەروەها وەک خراپەکار و ستەمکاریش دەرنەچووم، بەڵکو بۆ داوای چاکسازی لە ئوممەتی باپیرەم دا (صلی الله علیه وآله) هەستاوم و دەمەوێ ئەمر بە مەعروف بکەم و نەهی لە مونکەر. هەر وەها لە سەر ڕێگەی باپیرەم و باوکم عەلیی کوڕی ئەبو تالیب (علیهما السلام) دەڕۆم». لە بواری چاکسازیی یاسایی دا، فەرموویەتی (علیه السلام): «من بانگتان دەکەم بۆ لای کیتابی خودا و سوننەتی پێغەمبەرەکەی، چونکە سوننەت مرێنراوە و بیدعەت زیندوو کراوەتەوە، ئەگەر گوێم لێ بگرن و گوێڕایەڵی فەرمانەکانم بن، ڕێی ڕاستتان نیشان دەدەم». واتە ئەو تاغووتانە کارکردن بە دەستووری قورئانیان ڕاگرتبوو و ئیمام (علیه السلام) بانگیان دەکات بۆ گەڕانەوە بۆ کارکردن بە دەستوور کە قورئانە و یاسا ڕوونکەرەوەکانی کە سوننەتی پیرۆزە و لە بواری ئاوەدانکردنەوەی سیاسی و ڕوونکردنەوەی کەسانی شایستەی ئیمامەت و ڕابەرایەتی و سەرکردایەتیی کاروباری ئوممەت فەرمووی (علیه السلام): «سوێند بە گیانی من ئیمام کەس نییە جگە لە کەسێک کە کار بە کیتاب دەکات و دادپەروەری بەجێ دێنێت و ماف بۆ خاوەن ماف دەگەڕێنێتەوە و خۆی دەگرێتەوە لەبەر زاتی خودا». هەروەها هۆکاری خراپە و گەندەڵیی ئابووری و کۆمەڵایەتی و ئەخلاقی و دینی و لەدەستچوونی ماف و دادپەروەری دەگێڕێتەوە بۆ دەستەڵاتدارە ناشەرعییەکان بەسەر کاروباری خەڵکی دا، پاش ئەوەی هەموو تاکەکان بەرپرسیارێتیی گۆڕانیان خستە ئەستۆی فەرمووی (علیه السلام): «هەر کەسێک دەسەڵاتدارێکی ستەمکار ببینێت کە حەرامی خودا حەڵاڵ دەکات و پەیمانی خودا لەبیر دەکات و پێچەوانەی سوننەتی پێغەمبەری خودا (صلی الله علیه وآله وسلم) بێت و لە نێو بەندەکانی خودا دا، خراپە و دوژمناکاری بکات، پاشان بە هیچ قسە و کردارێک نەگۆڕێ، ئەوە لە سەر خوایە کە تووشی بەڵای خۆی بکات». هەر وەها لە شیکارییەکەی دا فەرموویەتی: «زانیوتانە کە ئەوانە گوێڕایەڵی شەیتانن و پشتیان کردۆتە گوێڕایەڵیی ڕەحمان، گەندەڵییان دەرخستووە و جێبەجێکردنی حوکمی خودایان هەڵوەشاندۆتەوە و دەستکەوتەکانیان بۆ خۆیان بردووە، حەڵاڵی خودایان حەرام کردووە و حەرامی خوداشیان حەڵاڵ کردووە و من لەپێشترم لە غەیری خۆم لەم بوارەدا بەهۆی نزیکیم لە پێغەمبەرەوە (صلی الله علیه وآله)»، لە ڕیوایەتێکی تر دا فەرموویەتی: «من لەپێشرم کە دینی خودا سەربخەم و شەریعەت بەرز ڕاگرم و لە پێناوی دا، جیهاد بکەم تا وشەی خەدا بەرزترین بێت».

سەرچاوە : قبسات من نور القرآن – القبس، ر. 58

3.   بەردەوامیی سەرخستنی حوسەینی

ئیمامی حوسێن (علیه السلام) کاتێک کە ڕۆژی عاشوورا بەردەوام دەیگوتەوە: "ئایا پشتیوانێک هەیە؟" چاوەڕوانیی لەو تاغووتانە نەبوو کە خودا مۆری لە دڵیان دابوو کە هیدایەت وەرگرن و چاکسازی بکەن، بەڵکو مەبەستی بوو ئەو بانگەواز و هاوارە دەنگ بداتەوە بۆ سەرجەم نەوەکان بە درێژایی سەردەمەکان تا سەری بخەن لە گەیشتن بە ئامانجەکانی و هاوار و بانگەوازەکەی تا ئەو کاتەی واقیعی خراپ و گەندەڵ بمێنێتەوە کە ئیمام حوسەین (علیه السلام) لە دژی ڕاپەڕی بۆ گۆڕینی و دامەزراندنی جێگرەوەی باش لەجێی. کە واتە با هەر کەسەو لای خۆیەوە سەری بخات بەگوێرەی پێگەی خۆی و بە گوێرەی ئەو کارەی بۆی دەکرێت. کە واتە هەندێک لە شێوازەکانی زیندووکردنەوەی دروشمەکانی ئیمام حوسەین (علیه السلام) لە هەندێک قبووڵ دەکرێت و لە هەندێکی تر قبووڵ ناکرێت چونکە غەیری ئەوەی لێ چاوەڕوان دەکرێت، باش سەرنج بدەن.

4.   سەرخستنی ڕاستەقینەی ئیمام حوسەین (ع)

لەڕێی بەرجەستەکردنی بنەماکانی شۆڕشی حوسەینی و بەجێگەیاندنی ئامانجەکانی دا، بانگەوازی ئیمام حوسەین (علیه السلام) کە فەرمووی : "ئایا پشتیوانێک هەیە؟" هێشتا بەردەوامە و لە هەموو لایەکی زەوی دووپات دەبێتەوە، ئەو داوای سەرخستن بە شمشێر و هاوشێوەی ناکات چونکە قەزا و قەدەری ئیلاهی بە شەهیدبوونی خۆی و بنەماڵەکە (علیهم السلام) تەواو بوە، بەڵکو داوای پشتیوان دەکات کە لە سەرخستنی پڕۆژەکەی دا و تەواوکردنی پەیامەکەی دا لە چاکسازی ئوممەت و ئەمر بە مەعرووف و نەهی لە مونکەر و وەستانەوە بە ڕووی پێشەوایانی گومڕایی و دەسەڵاتدارانی ستەمکار و ڕزگارکردنی خەڵک لە دیلیی تاغووتەکان و شەیتانە مرۆڤ و جنییەکان.

5.   چۆن دەبین بە ئەهلی (يا ليتنا كنّا معكم - خۆزگە لەگەڵتاندا دەبووین)؟

هەموومان بە زمان و ویژدانمان ئیمام حوسەین (علیه السلام) و هاوەڵە باشەکانی دەدوێنین بە "خۆزگە لەگەڵتان دا، دەبووین چونکە سەرکەوتنێکی گەورەمان بەدەست دەهێنا" و بەداخەوەین کە لەگەڵ ئەو نەوەیە دا، نەبووین کە هاوسەردەمی مەعسوومین (علیهم السلام) بوون و شەرەفی دیداریان و سەرخستنیان و بەدەستهێنانی شەهیدی لەبەر دەستیان دا، بە نسیبمان نەبوو، ئێمە باوەڕمان وایە کە خودا عادلە و دەرفەتی هاوشێوە دەدات بە بەندەکانی تا لێی نزیک ببنەوە. ئایا خودا ئەو نەوەیەی بەشدار کردووە لەو دەرفەتە و ئێمەی بێبەش کردووە لێی؟ ئەمە پێچەوانەی ئەو حەقیقەتە جێگیرەیە، کەواتە ئەو دەرفەتە کە گونجاوە بۆ ئێمە چییە؟ ئەوە بەجێگەیاندنی فەرزی ئەمر بە مەعرووف و نەهی لە مونکەرە لە وتەی ئەمیری ئیمانداران دا (علیه السلام) کە فەرمووی: «هەموو کردەوە چاکەکان چین؟ جیهاد لە پێناوی خودا دا لە کاتی فەرمان بە چاکە و نەهی لە خراپە وەک فوویەک وایە لە دەریایەکی شەپۆلدەر دا».